तनहुँ जिल्लाको व्यास नपार पालिका वडा नं.–१० स्थित बिपी वनवाटिकामा रु ५५ लाख ४५ हजारको लागतमा मिनी कबर्ड हलको निर्माण सम्पन्न भएको छ । करिव नौ महिना लगाएर सो कबर्ड हल पारस निर्माण सेवाले निर्माण सम्पन्न गरी जिल्ला खेलकुद विकास समितिलाई हस्तान्तरण गरेको छ । रा.स.स.का अनुसार कवर्ड हल निर्माण पछि मार्सल आर्टका सबै, जुडो, कराते, बक्सिङका साथै टेबुलटेनिस, ब्याडमिन्टन, भलिबल सम्बन्धी खेलकुदका गतिविधि गर्न सकिने जानकारी पारस निर्माण सेवाका प्रोपराइटर कृष्णनारायण श्रेष्ठले जनाएकोछ ।

आज असार ५ गते न्युयोर्कस्थित संयुक्त राष्ट्रसङ्घकालागि स्थायी नेपाली नियोगका अनुसार प्रधानमन्त्री सुशील कोइरालाको अमेरिकाको न्युयोर्कस्थित मेमोरियल सोलान केटरिङ क्यान्सर सेन्टरमा स्वास्थ्य परिक्षण भएकोछ । प्रधानमन्त्री कोइरालाले सो सेन्टरमा विगतदेखी नियमित आफ्नो स्वास्थ्य परिक्षण गराउदै आउनु भएको थियो । उपचारकालागि प्रधानमन्त्री कोइराला गत असार २ गते सोमवार अमेरिका जानुभएको थियो । प्रधानमन्त्रीको स्वास्थ्य स्थितीको वारेमा विस्तृत विवरण आउन वाँकी छ ।

कावासोती, ६ असार । नवलपरासी जिल्लाको कावासोतीमा असार ६ गते वैदेशिक रोजगारलाई सुरक्षित बनाउने अभियानका अभियान्ताहरूलाई यहाँ कानुनी ज्ञान प्रदान गरिएको छ । गाउँ गाउँवाट सूचना केन्द्रहरूमा वैदेशिक रोजगारका लागि जाने युवाहरू जानकारी लिन आउने हुँदा उनीहरूलाई कानुनी ज्ञान प्रदान गरिएको हो । हिमालयन सामुदायिक विकास मञ्च (हिकोडेफ) र इन्द्रेणी सामाजिक विकास केन्द्रमार्फत सञ्चालित उक्त तालिममा २४ जना अभियान्तालाई विदेश जानुअघि र गएपछि काममा आउने समस्यालाई कानुनी रूपमा कसरी समाधान गर्न सकिन्छ भन्ने बारेमा ज्ञान प्रदान गरिएको जानकारी सुरक्षित आप्रवासन सूचना तथा परामर्श केन्द्र कावासोतीका संयोजक रितुराम सोती थापाले दिएकाछन् । विदेशमा जाँदा र जाने कामदारले कानूनी रुपमा धेरै दुःख पाउने, विदेशमा परेको समस्या लाई कमगर्नको लागि यस्ता प्रकारका तालिमहरु जिल्लाका गाउँघर, विद्यालय अदीमा यस्ता खालका तालिमहरु दिइने गरेको यस सुचना केन्द्रका संयोजक थापाले जानकारी दिएकाछन् ।